بِسْمِ الله الرَّحْمَنِ الرَّحِيْم
Kalayan kaberkahan nyebat jenengan. اَللّه nu Maha Welas tur Maha Asih
نَكَحَ يُوْسُفُ عَلَيْهِ السَّلاَمَ زُلَيْخَا بَعْدَ مُلُكِ مِصْرَ وَيُسَمَّى عَزِيْزًا
Nabi Yusuf ngadahup ka Zulaikho saatosna Zulaikho janten randa ti Aziz,raja Mesir waktos harita
وَزُلَيْخَا صَارَتْ فَقِيْرَةً عَجُوْزًا عُمْيَاءَ وَمَعَ ذَلِكَ مَحَبَّةُ يُوْسُفَ وَ عَشْقُهُ يَزْدَادُ فِى قَلْبِهَا كُلُّ يَوْمٍ
Sadikantunna raja, permeswari Zulaikho janten nini-nini nu fakir tur teu tiasa ningali, sanaos kitu anjeunna masih kapéngpéongan ku Nabi Yusuf, Cintana teu laas ku lawas éstu ti dinten ka dinten éta rasa kalah mingkin nyaliara
فَلَمَّا عَيَلَ صَبْرُهَا وَاشْتَدَّ أَمْرُهَا وَهِىَ تَعْبُدُ الوَثَنَ إِلىَ ذَلِكَ اليَوْمِ رَفَعَتْ وَثَنَهَا وَ ضَرَبَتْ بِهِ عَلَى الاَرْضِ وَتَبَرَأَتْ مِنْهُ وَآمَنَتْ بِاللهِ الحَىِّ القَيُّوْمِ
Waktos kasabaran Zulaikho dugi kana watesna, kalayan rasa cinta nu kalah mingkin rongkah, dina waktos harita Zulaikho masih nyembah tapékong. Anjeunna ngadeg teras jalang-jéléng ngaweweléh tapékong anu teu sanggup nulung dirina nu gering nangtung ngalanglayung, eta tapékong-tapékong dibalang-balangkeun dugi ka ancur lebur. Salajengna anjeunna kaluar tina nyembah tapékong, lajeng iman ka اَللّه nu Maha Hirup tur Maha Jumeneng kalawan dzat-Na.
وَنَاجَتْ فىِ لَيْلَةِ الجُمْعَةِ بِمُنَاجَاةٍ كَثِيْرَةٍ وَقَالَتْ ؛
Salajengna Zulaikho munajat nyaketkeun diri ka اَللّه, waktos harita nitih dina dinten juma’ah, anjeunna munajat kalayan waktos anu kacida lamina, sabari ngucap;
إِلَهِى لَمْ يَبْقَ لىِ مَالٌ وَلاَجِمَالٌ وَصِرْتُ عَجُوْزًا حَقِيْرَةً ذَلِيْلَةً فَقِيْرَةً وَابْتَلَيْتَنِى بِحُبِّ يُوْسُفَ عَلَيْهِ السَّلاَمَ وَعَشْقِهِ فَإِنْ أَوْصِلْتَنِى إِلَيْهِ وَإِلاَ فَارْجِعْ حُبَّهُ عَنِّىَ حَتَّى أَكُوْنَ كَفَافًا لاَ عَلَىَّ وَلاَ لىِ
Duh Gusti Pangéran abdi, abdi tos teu ngagaduhan deui kageulisan, abdi tos robih janten nini-nini hina anu fakir tur pinuh ku katuna, Gusti nguji abdi ku rasa cinta nu pohara ka Nabi Yusuf turta teu weléh didodoho ku kasono, mangka mugia Gusti mendakkeun abdi sareng anjeunna atanapi ilangkeun ieu rasa sareng kasono tina haté abdi, supados abdi teu katalikung ku kabingung, abdi janten bébas, teu aya deui nu ngarobéda rasa,karudet berewit ngararejat teu ngarerejét teuing haté, kumargi abdi…
فَسَمِعَتْ المَلاَئِكَةُ صَوْتَهَا فَنَاجَتْ إِلَهَنَا وَسَيِّدَناَ اِنَّ زُلَيْخَا جَاءَتْ إِلىَ حَضْرَتِكَ تَدْعُوْكَ بِاِيْمَانِهَا وَاِخْلاَصِهَا فَأَجَابَهُمُ اللهُ تَعَالىَ يَامَلاَئِكَتِى قَدْحَانَ وَقْتُ نَجَاتِهَا وَخَلاَصِهَا
Mangka malaikat ngadarangu kana mulas-melisna Zulaikho, malaikat oge ngariring munajat, “Duh Gusti Pangéran abdi sadaya
, saleresa-leresna Zulaikho dumeuheus ka Gusti tur ngangken iman kalayan kajembaranana dina panggonan Gusti.
Mangka اَللّه ngawaler munajatna para malaikat, “Héy malaikat Kami, geus nyata waktu munajat Zulaikho kalawan saéstuna (pikeun dikobul)
فَكَانَ يُوْسُفُ عَلَيْهِ الٍسَّلاَمُ يَمُرُّ عَلَيْهَا فَمَرَّ يَوْمً مِنَ الأَيَّامِ مَعَ حَشْمِهِ إِذْ خَرَجَتْ زُلَيْخَا
Dina hiji waktos Nabi Yusuf ngalangkung ka bumi Zulaikho diiringkeun ku para ajudanana, kaleresan Zulaikho kaluar ti bumina
فَلَمَّا قَرَبَ مِنْهَا نَادَتْ بِأَعْلَى صَوْتِهَا سُبْحَانَ مَنْ جَعَلَ الْعَبِيْدَ بِرَحْمَتِهِ مُلُوْكًا
Waktos rombongan Nabi Yusuf nyaketan Zulaikho, dadak sakala Zulaikho ngajerit maratan langit ngocéak maratan jagat, “Maha suci اَللّه nu ngajantenkeun cacah robah janten raja kumargi welas asih-Na” Nabi Yusuf ngarandeg lajeng…
وَقاَلَ مَنْ أَنْتَ قَالَتْ أَنَا الَّتِى اشْتَرَيْتُكَ بِالجَوَاهِرِ وَالَّلآلىِ وَالذَّهَبِ وَالفِضَّةِ وَالمِسْكِ وَالكَافُوْرِ أَنَا الَّتِى لَمْ أَشْبَعُ بَطْنِى مِنَ الطَّعَامِ مُنْدُ عَشْقَتِكَ وَلاَ نُمْتُ لَيْلَةً كُلَّهَا مُنْدُ رَأَيتُكَ
Nabi Yusuf naros, “saha anjeun?” Zulaikho ngawaler, “abdi nu mésér anjeun waktos janten budak beulian, ku inten mutiara, rarangkén, emas, pérak, misik sareng kafur, abdi anu teu kantos ngaraos wareg ku katuangan saatos sono moho ka anjeun, abdi nu teu tiasa mondok satutasna ningal anjeun…”
فَقَالَ يُوْسُفَ عَلَيْهِ السَّلاَمَ لَعَلََّكَ زُلَيْخَا فَقَالَتْ بَلَى يَايُوْسُفَ فَقَالََََ أَيْنَ مَالُكَ وَجِمَالُكَ وَخَزَائنُكَ فَقَالَتْ أَغَارَ عَشْقُكَ عَلَيْهَا كُلِّهَا
Nabi Yusuf nyarios deui, “Anjeun panginten nu namina Zulaikho”, Zulaikho ngawaler, “leres pisan Yusuf”. Nabi Yusuf nyarios deui, “dimana harta oge kageulisan anjeun?” Zulaikho ngawaler, “sadaya harta ilang sirna, katipu kagugulu ku rasa cinta abdi ka anjeun…”
فَقَالَ يُوْسُفُ عَلَيْهِ السَّلاَمُ كَيْفَ عِشْقُكَ قَالَتْ كَمَا كَانَ بَلْ يَزْدَادُ فِى كُلِّ وَقْتٍ وَأَواَنٍ
Nabi Yusuf nyarios deui, “Kumaha éta rasa cinta dugi ka ngajantenkeun anjeun kieu?”, Zulaikho ngawaler “Unggal dinten gentos ku dinten, ieu rasa cinta mingkin ngabebela di sajeroning dada”.
HIKMAH DISAPENGKEREUN PATAROSAN
Dina carios ieu aya kandungan hikmah sareng pangajaran, yén sing saha waé anu hirup di dunya, énggal atanapi lami sadayana bakal ngalaman parobihan, sareng éta parobihan bakal ditaros, naha? Kumaha?, namung patarosan anu kacida poharana anu sakedahna tiasa kawaler. Hikmah éta diantawisna ;
كَذَلِكَ حَالُ المُؤُمِنِ إِذَا وُضِعَ فِى قَبْرِهِ يَأِْتِيْهِ مَلَكَانِ فَيَقُوْلاَنِ لَهُ أَيْنَ مَالُكَ فَيَقُوْلُ ذَهَبَ بِهِ الخَصَمَاءُ فَيَقُوْلاَنِ أَيْنَ ضِيَاعُكَ وَبَسَاتِيْنُكَ فَيَقُوْلُ ذَهَبَ بِهَاالخَصَمَاءُ فَيَقُوْلاَنِ أَيْنَ دَوْرُكَ وَبُيُوْتُكَ فَيَقُوْلَُ ذَهَبَ بِهَا البَنَاتُ وَالاَبْنَاءُ فَيَقُوْلاَنِ كَيْفَ مَعْرِفَتُكَ بِاللهِ تَعَالىَ فَيَقُوْلُ اللهُ رَبِّى وَالاِسْلاَمُِ دِيْنِى وَمُحَمَّدٌ نَبِيِّ
Nya kitu, dimana-mana saurang mu’min lebet ka alam kubur, mangka sumping dua malaikat tur tumaros ;
Dua malaikat. : “Dimana harta anjeun?”
Mu’min. : “Séép dicandak ku musuh-musuh abdi”
Dua malaikat. : “Dimana sawah jeung kebon anjeun?”
Mu’min. : “Séép ogé dicandak ku musuh-musuh abdi”
Dua malaikat. : “Dimana imah jeung padumukan anjeun?”
Mu’min. : “Séép dianggo ku putra-putra abdi…”
Dua malaikat. : “Kumaha anjeun bisa ma’rifat jeung wanoh ka اَللّه?”
Mu’min. : “Ari اَللّه éta Pangéran abdi, Islam agama abdi Sareng Nabi Muhammad éta nabi abdi”
Wangsul deui kana hanca carita…
فَقَالَ لَهَا يُوْسُفُ عَلَيْهِ السَّلاَمُ مَاتُرِيْدِيْنَ يَازُلَيْخَا فَقَالَتْ ثَلاَثَةُ أَشْيَاءَ أُرِيْدُ الجِمَالَ وَالمَالَ وَالوِصَالَ فَقَصَدَ أَنْ يَمُرَّ
Kocapkeun Nabi Yusuf naros deui ka Zulaikho :
Nabi Yusuf : “Ayeuna naon nu dipiharep ku anjeun?”
Zulaikho. : “Abdi hoyong tilu rupi, 1) kageulisan, 2) kabeungharan, 3) Hirup sareng anjeun”
Ngadangu waleran sapertos kitu, nabi
Yusuf ngahuleng ngaraga meneng ( ngémut-ngémut ). Anjeunna tos sajung-jungeun badé angkat, dina gerentes manahna “daripada rarabi ka nini-nini kieu, mending kénéh ditinggalkeun wé lah…”
فَأَوْحَى اللهُ تَعَالىَ إِلَيْهِ يَايُوْسُفُ قُلْتَ لِزُلَيْخَا مَاتُرِيْدِيْنَ فَلَمْ تَجِبْهَا مَاأَرَادَتْ فَاعْلَمْ بِأَنَّ اللهُ تَعَالَ زَوَّجَ زُلَيْخَا بِكَ وَخَطَبَ بِنَفْسِهِ وَأُشْهِدَ مَلاَئِكَتَهُ وَنَثَرَ الحُوْرُ العَيْنِ النَّثَارَ
Waktos nabi Yusuf ngahuleng kitu, اَللّه maparin wahyu ka nabi Yusuf, ” Héy Yusuf, lamun anjeun ngomong ka Zulaikho, nanyakeun naon kahayangna, naha anjeun teu daék nyumponan éta kahayangna?”
“Kanyahokeun héy Yusuf, saenya-enyana اَللّه ngalaki rabikeun Zulaikho ka anjeun, اَللّه anu manglamarkeunana, اَللّه oge nyaksikeun ka malaikat-Na, para wédadari surga ararimut bari ngawur-ngawurkeun kembang nu sarareungit…”
فَقَالَ يُوْسُفُ عَلَيْهِ السَّلاَمُ يَاجِبْرِيْلُ لَيْسَ لِزُلَيْخَا مَالٌ وَلاَجِمَالٌ وَلاَ شَبَابٌ
Nabi Yusuf ngaharéwos ka malaikat Jibril, “Duh Jibril, Zulaikho pan tos teu gaduheun kabeungharan, tos teu geulis, sareng tos teu anom deui, tos janten nini-nini péot…”
فَقَالَ جِبْرِيْلُ عَلَيْهِ السَّلاَمُ يَقُوْلُ لَكَ اللهُ تَعَالىَ إِنْ لَمْ يَكُنْ لَهَا مَالٌ وَلاَجِمَالٌ فَلِى قُوَّةٌ وَجَلاَلٌ وَنَوَالٌ وَقُدْرَةٌ وَفَعَّالٌ
Mangka Jibril ngawaler, ” اَللّه ngadawuh ka anjeun Yusuf, mun Zulaikho geus teu bogaeun harta jeung teu geulis deui, mangka Kaula nu boga kakuatan, kaagungan, kakawasaan, jeung sagala pagawéan”
فَوَهَبَهَا اللهُ تَعَالَ شَبَابَهَا وَجِمَالَهَا حَتَّى صَارَتْ أَحْسَنَ مَاكَانَتْ كَأَنَّهَا بِنْتَ أَرْبَعَ عَشَرَسَنَةً
Salajengna اَللّه maparin kurnia ka Zulaikho, anjeunna dadak sakala robih janten hiji wanoja anom yuswa 14 taun tur geulis kawanti-wanti
ثُمَّ أَلْقَى اللهُ تَعَالَ المَحَبَّةَ وَالمَوَدَّةَ وَالعِشْقَ فىِ قَلْبِ يُوْسُفَ عَلَيْهِ السَّلاَمُ
Teras اَللّه nyimpen rasa cinta, deudeuh, sono dina haté Nabi Yusuf ka Zulaikho
فَصَيّرَ المَعْشُوْقُ عَاشِقًا وَالعَاشِقُ مُعْشُوْقًا
Mangka kaayaan janten robih 180 darjah, nu dipikasono robih janten mikasono. Kawit Zulaikho nu kapéngpéongan ka Nabi Yusuf, robih janten Nabi Yusuf nu kapéngpéongan ku Zulaikho
Akhirna Nabi Yusuf sareng Zulaikho ngadahup ngajadi hiji kabeungkeut ku jatukrami
فَرَجَعَ يُوْسُفُ عَلَيْهِ السَّلاَمُ إِلىَ مَنْزِلِهِ وَأَرَادَ الخُلْوَةَ مَعَ زُلَيْخَا وَزُلَيْخَا قَدْ شَرَعَتْ فىِ الصَّلاَةِ
Singgetna carios, Zulaikho diajak ku Nabi Yusuf ka istana. Dina waktos wengina, nabi Yusuf hoyong pisan nyacapkeun kahéman wengian munggaran, namung waktos harita Zulaikho masih kénéh ngalakonan sholat…
وَكاَنَ يُوْسُفُ عَلَيْهِ السَّلاَمُ يَنْتَظِرُ كَثِيْراً وَهِىَ لاَتَسْلَمُ حَتَّى فَرَغَ صَبْرَهُ وَناَدَى ياَزُلَيْخاَ أَلَسْتِ الَّتِى قَدَّدْتِ قَمِيْصِى حِيْنَ فَرَرْتُ مِنْكَ فَسَلِمَتْ وَأَجاَبَتْ أَناَ هِىَ لَكِنْ لَيْسَ قَلْبِى كَماَكاَنَ
Nabi Yusuf ngantos dugi ka Zulaikho réngsé sholat, namung diantos dugi ka rada lami kalah teu réngsé-réngsé dugi ka séép kasabaran Nabi Yusuf, lajeng anjeunna ngagentraan Zulaikho…
Nabi Yusuf. : Zulaikho, anjeun pan nu kantos nyoékkeun anggoan abdi nalika abdi nyingkahan kana kahoyong anjeun?”
Zulaikho. : ( saréngséna salam ) ngawaler, “kapungkur memang leres pisan abdi anu nyoékkeun raksukkan anjeun, namung ayeuna haté abdi teu kagégéloan deui ku anjeun sapertos kapungkur”
HIKAYAT NGAREUGREUGKEUN HATÉ TINA KALEWANG
عَنِ الشِّبْلِى رَحْمَةُ اللهِ عَلَيْهِ أَنَّهُ عَمْىٌ فىِ آخِرِ عُمْرِهِ فَدَخَلَ عَلَيْهِ الجُنَيْدُ فىِ لَيْلَةٍ فَرَآَهُ يَدُوْرُ فىِ بَيْتِ مَظْلَمٍ وَهُوَ يَقُوْلُ شِعْراً
DIhikayatkeun ti Imam Syibliy rohmatulloh ‘alaih, yén saenyana anjeunna ngalaman teu tiasa ningali ( lolong ) dina waktos sepuh, ahir yuswana. Dina hiji wengi Imam Al-Junéd ngadeuheus ka anjeunna, dina waktos lebet, katingal Imam Syibliy nuju mapah ngurilingan bumina dina kapoékan, sabari ngahariringkeun sya’ir ;
كُلُّ قَلْبٍ أَنْتَ ساَكِنُهُ غَيْرُ مُحْتاَجٍ إِلىَ السِّراَجِ
وَجْهَكَ المَأْمُوْلِ حُجَّتُناَ يَوْمَ تَأْتِى النَّاسُ بِالحُجَجِ
لاَ أَتاَحَ اللهُ لىِ فَرْجاً يَوْمَ أَدْعُوْ مِنْكَ بِالفَرَجِ
- Saban-saban haté, mung Gusti nu maparin kareugreugan,
- Gusti teu meryogikeun damar kanggo nyaangan
- Ka Gusti, abdi sumerah sareng ngadugikeun alesan
- Dina dinten dimana jalmi-jalmi ngadongkapkeun alesan ( dinten qiyamah )
- Alloh pasti mukakeun panto ka abdi,
- Dina dinten, dimana abdi nyuhunkeun ampunan ti Gusti
Kalewang kumargi ngalakukeun dosa, sakedahna disarengan ku nyuhunkeun ampunan tur teu weléh yakin ka اَللّه SWT
Wangsul deui kana hanca carita…
ثُمَّ قاَمَتْ زُلَيْخاَ وَشَرَعَتْ فىِ الصَّلاَةِ فَأَخَذَ يُوْسُفُ عَلَيْهِ السَّلاَمُ قَمِيْصَهاَ وَجَرَّهُ إِلَيْهِ فَتَحَرَّقَ قَمِيْصُهاَ فَنَزَلَ جِبْرِيْلُ عَلَيْهِ السَّلاَمُ فَقاَلَ ياَيُوْسُفُ قَمِيْصٌ بِقَمِيْصٍ فاَرْفَعْ العَتاَبَ بَيْنَكَ وَبَيْنَ زُلَيْخاَ رَضِىَ اللهُ عَنْهاَ
Salajengna Zulaikho cengkat ngadeg sareng neraskeun sholat deui. Nabi Yusuf ngaraos keuheul,anjeunna ngajeuwang anggoan Zulaikho dugi ka anggoan Zulaikho soék.
Jibril lungsur lajeng nyarios, “héy Yusuf, nyoékkeun baju diwales ku nyoékkeun baju, mangka sing kadé ilangkeun rasa ijid antara Anjeun jeung Zulaikho”.
-Réngsé-
Lalakon ngadahupna Nabi Yusuf dan zulaikho
Allah Maha Uninga kana sagala rupi perkara.
Kitab : Hamisy Majalis Saniyyah
Tidak ada komentar:
Posting Komentar