Bet Kieu Jadina...

Duh naha bet kieu jadina...
nalika diri bungangang nyandang kahayang
seja nyangreudkeun tali asih nu hamo kasilih,
nganyam katresna nu taya pegatna,
ngabébénjo kasono nu hantem ngadodoho,
salira kawas nu teu surti kana ieu eusining ati,
éstu taya pisan basa pangbeberah rasa...
ah...nu ku salira disebat cinta
...taya pisan buktina...
Hariring asih nu biasana éndah mépéndé haté
kiwari karasana réhé lir nu ngaléléwé...
Antukna diri sakaparan-paran nyorang petengna pangharepan
.....nyorangan.