Udin Nyieun KTP

Udin rék ngajieun KTP,
tapi kusabab teu bisa
nulis kapaksa ngeusi
formulir téh dibantuan ku
patugas kacamatan :

Patugas : "nami sadérék
saha?"

Udin : "abdi mah nunggal
pa, teu kagungan
sadèrék"

Patugas : "maksud téh,
nami bapa saha?"

Udin : "suhadma, tapi da
tos pupus bapa abdi
mah"

Patugas : "ngaran sia
saha?!" Bari molotot
Udin : "oooh.. Udin abdi
mah"

Patugas : "imah dimana?"
Udin : "aya wé dina
tempatna"

Patugas : "hadeuuuh!
maksud aing téh jalan
naon sudiiiin?"
Udin : "ooooh.. Jalan
aspal, nembé saminggon
diaspalna gé. Kapungkur
mah éta jalan téh taneuh
kénéh pa"

Patugas : "meunggeus siah!
Teu kudu ngeusian
formulir sia mah.. Tah
belangko KTPna.. Jig
eusian wé ku sorangan,
kumaha karep manéh wé
cara ngeusianana mah!"
Bari ngégélan juru meja
bakat ku aral.

Udin : "harrr!" Colohok
bari ngilikan KTP
kosong...